Кем дөньяга кеше бүләк итә,

         Ә кешегә - якты дөньяны?

         Тойгылары кояш кебек кайнар,

         Эретерлек гранит кыяны?

                   Кем күңеле тулган айдай серле,

                   Язлар сыман назлы, ягымлы?

                   Шатлыкларын башкаларга бүлеп,

                   Кайгыларга түзем, сабырлы?

         Кем елмая җәйге таң аткандай,

         Балкып китә шундук тирә-як?

         Нәфислеге гөлләр сокланырлык,

         Көләчлектә аңа тиңнәр юк?

                   Кем куллары өйне, җирне ямьли,

                   Изгелеге үлчәү тапкысыз?

                   Ул, әлбәттә, яшәү чыганагы.

                   Тормыш яме - Әнкәй, хатын-кыз!

         Язның беренче бәйрәмен

         “8 нче Март” диләр.

          Бәйрәмегез котлы булсын,

          Кызлар, апа-җиңгиләр

                     Бер утыру – үзе бер гомер дип,

                     Бабайлар бит юкка әйтмәгән,

                     Бер очрашып серләр бүлешү-

                     Бу гадәтләр әле бетмәгән.

Бүген икенче кечкенәләр төркеменең 8 нче мартка багышланган иртәлеге булып узды. Алар үзләренең әниләрен, әбиләрен котлап уйнадылар, көлделәр, шигырьләрен сөйләделәр, җыр-биюләре белән күңелләрен күтәрделәр.