Бөтен дөньяны ап-ак кар каплады. Табигать җем-җем итеп торган яңа матур күлмәген киде. Агачлар да җылы мамык шәлләрен ябынды. Елгалар, күлләр көзге кебек шома боз белән капланды. Урман-кырлар өстендә тантаналы тынлык. Кыш көне көннәр кыска, салкын. Балалар, чаңгы-чанада, тимераякта шуалар. Аларны көннең салкынлыгы да куркытмый. Балалар  тавышыннан урам шау-гөр килеп тора. Кыш — иң матур ел фасылларының берсе. Туган ягыбызның кышкы табигате бигрәк матур. Без шушы матурлыкны ак кәгазьгә төшереп, балалар бакчасында "Кышкы гүзәллек" дигән рәсем күргәзмәсе оештырдык. Һәр төркем дә актив катнашты.