2011 нче елның 10 нчы мартында Казан шәһәре Киров районнының 70 нче мәктәбендә “Татар телен һәм әдәбиятын укытуда һәм мәгълүмати технологияләр куллану эшчәнлегендә укытучының инновацион эш тәҗрибәсе” дигән темага татар теле һәм әдәбияты укытучыларының шәһәр күләмендә оештырылган гамәли семинары узды. Семинар программасында түбәндәге чаралар каралган иде:

            1. “Уйларымны уйдырып салам”, “Каләм тоткан әрәм булмас” “Балалар иҗаты” –  күргәзмәләр белән танышу;

            2. “Укытучы эшчәнлеген иҗади оештыру” – мәктәп завучы чыгышы;

            3. “Мәктәп  үсеше программасында милли мәгариф” – район методисты чыгышы;

            4. “Казан – тарихи шәһәр” – 4 нче сыйныфның рус төркемендә викториналы дәрес;

            5. “Һөнәрләр” – 3 нче сыйныфның рус төркемендә бәйләнешле сөйләм үстерү дәресе;

            6. “Үткәннәрне барлыйм әле...” – 9 нчы сыйныфның татар төркемендә фәнни эзләнү-тикшеренү эшләрен яклау дәресе;

            7. “Табигать – уртак йортыбыз” – 8 нче сыйныфның рус төркемендә мастер-класс;

            8. “Театрлар”  – проект эше. Укытучылар белән мастер-класс;

            9.  “Минем педагогик остаханәм” – презентацияле чыгыш;

            10. “Уртаклашыр тәҗрибәм бар...” – түгәрәк өстәл утырышы. 

Укытучылар “Нәрсәгә тотынсаң да, акылыңа таян һәм эшеңнең нәтиҗәсен күз алдында тот” дигән хәдисне чын мәънәсендә акларлык эш-гамәлнең үрнәген күрсәттеләр. Төрле квалификацион категорияле укытучыларның белем бирү эшчәнлеге гамәли семинарда катнашучылар тарафыннан уңай бәяләнде.