Без  башлангыч мәктәп белән бер коллектив булып эшләп киләбез.Бәйрәмнәрне,кичәләрне бергә уздырабыз. Буген мәктәп укучылары балар бакчасына кунакка  керделәр,буш кул белән түгел ,ә матур әкият белән. А.Алишның "Сертотмас үрдәк" әкияте балаларга бик ошады. Кунаклар киткәч, балалар белән  әкиятнең нәрсә турында икәнен сөйләштек.- Нинди серләр була соң? - Гаилә сере, дәүләт сере, хәрби сер, табиб сере. Сер тота белү гадәткә әверелергә тиеш. Сер тота белмәү күңелсез хәлләргә, фаҗигага әверелергә мөмкин. Әйтик, дәүләт серен сату – илгә хыянәт итү дигән сүз. Сер тотмаучыларны хыянәтче, гайбәтче дип атыйлар. Сер саклый белә торган кеше – ышанычлы кеше, ул илен дә, халкын да – беркемне дә сатмый.