14 ноябрьдә Татарстан Республикасы  Кайбыч муниципаль районы  “ Экология, сәнгать,мәгариф” мәктәптән тыш эшләр үзәге” өстәмә белем бирү муниципаль бюджет учреждениясендә VI I Республика  күләмендәге балалар  сәнгать театры конкурсының муниципаль этабы үтте.

“Татарстан башкаласы Казанда 1928 елда туып Саба районы Миңгәр авылында үскән, 1949 елдан язмышын республиканың баш шәһәре белән бәйләгән Шәүкәт ага алты дистәдән артык гомерен, талантын татар мәдәниятенә, сәнгатенә биргән, гомумән, халкыбызга, милләтебезгә хезмәт иткән, иҗатын Камал театрына багышлаган. Ул уйнаган рольләр – бихисап. Миллионлаган тамашачының йөрәгендә – Ул Әлмәндәр бабай!» -дип  башланып китте чара. Конкурста әдәби -эстетик   юнәлештә эшләүче түгәрәкләргә йөрүче балалар  Шәүкәт Биктимеров катнашкан спектакльләрдән өзекләр белән катнашты. Жюри тарафыннан һәр коллективның эше уңай бәяләнде,  иң уңышлы чыгыш ясаучы  Чүти  урта мәктәбе (җитәкчесе Хаматшина Г.Г.), Бәрлебаш төп гомумбелем мәктәбе (җитәкчесе Миңнуллина Ф.Ф.) коллективлары  Саба районында узачак республика этабында катнашачаклар.