Безнең ягыбызның кыю,эшчән халкы, мәшһүр шәхесләре белән ватаныбыз, халкыбыз тарихында, мәдәниятыбызда тирән эз калдырганнар. Талантлы фән, әдәбият һәм сәнгать вәкилләре - ягыбыз горурлыгы. Чүти авылында туып – үскән Зариф Бәшири, Кошман авылыннан Әбрар Сәгыйди, Олы Кайбыч чишмәләреннән илһам алган Әбрар Шамин, Камил Мотыйги кебек үткән буын затлары – татар әдәбиятында танылган шәхесләр.

    Татарстанның халык шагыйре Шәүкәт Галиев, җырчылар Галия Кайбицкая, Вәли Галкин, Елена Бичарина, Лидия Әхмәтова, композитор Латыйф Хәмиди, галимнәр И.Коновалов, Ф.Сундуров, Р.Гарәфетдинов, А.Хәмидуллина, Н.Ханзафаров, Иван һәм Юрий Микусевларны мәртәбәле тормыш юлына Кайбыч озаткан. Бөек шәхес Габдулла Тукайны шагыйрь итеп тәрбияләгән, аңа иҗат сулышы биргән Мотыйгулла  Төхвәтуллин да Кайбыч кешесе.

     Без бу шәхесләребез белән горурланабыз һәм киләчәктә дә аларның  тормыш юлы һәм иҗаты белән танышуыбызны дәвам итәчәкбез.