Башлангыч сыйныф укучылары укытучылары белән бергә "Чисталыкны саклыйк! Тирә-юньне чүпләмик!" дигән плакатлар урнаштырдылар. Бу язуларга авылдашларыбыз колак салыр,  дип ышанып калабыз. Табигатьне пычратуга юл куймыйк, аны бергәләп саклыйк! Җир- анабыз безнең  яклауга моһтаҗ, аңа битараф булмыйк!

Җиңүчеләр калка һәйкәл булып,

Һәйкәл булып баса батырлар.

Ә батырлар үлми ике тапкыр —

Алар хәзер мәңге балкырлар!

Һәйкәлләрне җансыз дия күрмә,

Һәйкәлләрнең җаны таш түгел.

Һәр һәйкәлдә күпме солдат җаны?! —

Һәйкәлләргә сыкрау хас түгел.

Бөек Җиңү көненең 69 еллыгы уңаеннан авыл уртасындагы паркта Билгесез солдат һәйкәле каршында  сугыш елларын искә алып митинг уздырдык. Укучылар  йөрәкләрне тетрәндереп  шигырьләр укыдылар, җырлар башкардылар. Килгән кунаклар изге теләкләрен җиткерделәр. Сугышта үлеп калган, яудан исән кайтып, инде якты дөньядан киткән  авылдашларыбызны  бер минутлык  тынлык белэн искә алдык.

Бәйрәмнең икенче өлеше авыл мәдәният йортында узды. Укытучылар коллективы тирән эчтәлекле "Кирәкми безгә сугыш " исемле музыкаль композиция күрсәттеләр. Алар башкаруындагы Сабантуй куренешләрен,  җырлар, шигырьләрне  өлкәннәр тын да алмыйча карап-тыңлап утырдылар. Сугыш елларының видеоязмаларын караганда күзләренә яшьләр килде. Коллектив чыгышын тыл хезмәтчәннәре, бәйрәм кунаклары барысы да бик яраттылар.  Афәрин, укытучылар! 

Кырым территориясенең Россия составына керүе уңаеннан, мәгариф бүлегеннән килгән хат нигезендә,  5-9 нчы сыйныф укучылары өчен тарих һәм җәмгыять белеме укытучысы Альбина Искәндәр кызы дәрес уздырды. Дәрестә ТР Мәгариф һәм фән министрлыгы сайтында эленгән материаллар кулланылды.

Сегодня в школе запланировано много мероприятий. И первым прозвучал "Сигнал тревоги". Действия персонала и обучающихся школы при возникновени чрезвычайных ситуаций были адекватны и продуманы. Цель проведения  - проверка готовности школы к защите жизни и здоровья школьников и работников.

Бар күңеллелек бөтен дөньяда, бар бер ямь бүген!
— Нәрсәдән бу? — Мин беләм: бәйрәм бүген, бәйрәм бүген! - дип шигьри юллар белән башлады татар теле укытучысы Налия Сәгыйть кызы Тукай көнен. Аннары  укучылар белән бергәләп Габдулла Тукайның тормыш юлын искә төшерде. Аның шигырьләрен, әкиятләрен һәм башка жанрдагы  язмаларын барлаганнан соң, укучылар сәхнәләштерелгән өзекләр күрсәттеләр. Габдулла Тукай бик аз гомер яшәүенә карамастан, аның шигырьләре татар халкының күңелендә саклана һәм Тукайны мәңгелек итә.

Мәктәптә агач утырту көне узды, мәктәптәге һәр кеше- укучылар да, укытучылар һәм хезмәткәрләр дә - бу чарада актив катнашты. Без утырткан агачлар шаулап үсеп китерләр, туган мәктәбебез тагын да матурланыр, дип ышанабыз.

Сегодня учителя нашей школы показывают уроки с использованием синапурской методики. Еще недавно сами сидевшие в роли обучающихся, сегодня они показывают открытые уроки.  Уроки  оценивают   представители  отдела образования.  Эта методика внедряется в школе вот уже в течение месяца. Такие уроки нравятся как школьникам, так и учителям.

Бүген укучылар технология дәресләрендә кишер утырту серләренә төшенделәр. Орлыкларны ничек әзерләргә, түтәлләрне ничек ясарга һәм башка бик күп файдалы мәгълүматлар белән таныштылар. Аларга хезмәт укытучылары Фәрит Рәшит улы һәм Рушания Зөфәр кызы төпле киңәшләрен бирде.