Кошман урта мәктәбендә тимурчылык эше һәрдаим алып барыла. Укучылар үзләре генә торган әби бабаларга хәл белешергә, эшләрен эшләшергә йориләр. Шушы көннәрдә 5-9 сыйныф укучылары Рушания апа, Миннехан апа, Нәзир абыйның хәлен белеп, ишегалдын кардан чистартып кайттылар. Алар укучыларга үзләренең рәхмәт сүзләрен ирешетерделәр.

"Кояшкай" мәктәп яны лагерена йөрүче укучылар "Музей һәм балалар" атнасында катнаштылар. Балалар кызыксынып мәктәп музее экспонатлары белән таныштылар. Бу экскурсия балаларга бик ошады. Моннан тыш, укытучы Садриева Р. З. укучылар өчен рус теле буенча консультация үткәрде.

Бүген "Кояшкай" кышкы мәктәп яны лагерында укучылар мәтематика фәненнән төп дәүләт имтиханына әзерләнделәр. Төшке аштан соң "Үз сәламәтлегеңне ничек кайгыртырга?"дигән темага әңгәмә үткәрелде. Лагерьның бишенче көне мавыктыргыч уеннар белән тәмамланды.

География укытучысы һәм мәктәбебез директоры Гыйниятуллин Ф. Ф. мәктәп яны лагерена йөрүче балалар өчен география буенча консультация үткәрде. Шулай ук мавыктыргыч формада Географик викторина да узды, анда балалар әлеге фән өлкәсендә үзләренең белемнәрен күрсәтә алдылар. Балалар мәктәп пешекчеләренә тәмле һәм туклыклы иртәнге аш һәм төшке ашлары өчен зур рәхмәт белдерәләр. 

Лагерьның икенче көнендә укучылар рус теле фәненнән төп дәүләт имтиханы биремнәре эшләделәр, спорт сәгатендә көч сынаштылар, 

Бүгеннән мәктәбебездә кышкы лагерь эшли башлады. Лагерьга барлыга 10.бала йөри. Лагерь укучыларның ялын һәм савыктыруын оештыру максатларында  ачылды. Лагерь тормышы кызыклы һәм төрле булыр дип көтелә. Биредә укучылар спорт, интеллектуаль һәм күңел ачу уеннарында катнашачак.

Бүген Олы Кайбыч урта гомуми белем бирү мәктәбе уздырган "Туган тел-халыклар байлыгы" Республика фестиваль-конкурсы җиңүчеләрен бүләкләделәр.Алар арасында мәктәбебез укучылары һәм укытучылары да бар.Гыйләҗева Язилә (җитәкчесе Салахова Ф.Д.) әдәби шигырь бәйгесендә 3 урын яулады, Гисматуллин Сәмир (җитәкчесе Кадырова А.С.) халык вокалы номинациясендә махсус бүләккә лаек булды.Ала таба да уңышлар телибез.