Тәрбия  өлкәсендә  педагогларның  һөнәри  осталыклары  конкурсы  кысаларында "Класс  җитәкчесе -2017" бәйгесенең 1нче   этабында  12 катнашучы  арасында 9  сыйныф  җитәкчесе  Хайруллина Р.  уңышлы  чыгыш  ясап, беренче  "дүртлеккә" керде.

Бүген мәктәбебездә "Татарстан. Стратегия- 2030" темасына парламент дәресе булып узды. 8-11 нче сыйныф укучылары алдында Кама Тамагы муниципаль район советы депутаты Илдус Хатип улы Сагдиев чыгыш ясады. Дәресне тарих Һәм җәмгыять белеме укытучысы Яруллина Л.К. әзерләде һәм алып барды.

15 нче  февраль- Совет  гаскәрләрен  Әфганстан  җирлегеннән  чыгарылган көне. Шул  уңайдан 11 февраль  көнне  Иске Казиле  мәдәният  йортында өлкән  сыйныф  укучыларының Әфганстан  җирендә   үзләренең  интернанациональ  бурычларын  үтәгән  авылдашларыбыз  белән очрашулары  булды. Очрашуда  гаилә  членнары, туганнары һәм  якыннары  катнашты.Концерт  программасы  күрсәтелде, әфганчылар Әфган  җирендә үткәргән  көннәре, сугыш  вакыйгалары  турында  сөйләделәр, укучылар  биргән  сорауларга  җавап  бирделәр.

Мәктәптә "Чаңгы  юлы- 2017" үткәрелде. Әлеге  чарада  укучыларыбыз һәм  укытучыларыбыз  катнашты.

1  сыйныф  укучылар  Әлифба  белән  хушлашты.

"Искиткеч  әйдаман" республика  конкурсының  муниөипаль  турында  10  сыйныф  укучысы  Валиев Инсаф  җиңүче  булды. Аңа  республика  турында  уңышлар  телибез.

Мәгариф  хезмәткәрләренең  кышкы  Спартакиадасында  мәктәбебез  командасы  1нче  урын  алды. Укытучыларыбызны  чын  күңелдән  котлыйбыз, алга  таба  да  зур  уңышлар  телибез.

"Батырлык айлыгы" кысаларында төрле ярышлар, сыйныф сәгатьләре үткәрелү дәвам итә. Бүген исә "Күңелле стартлар" да үз көчләрен башлангыч сыйныф укучылары сынады. Алар 2 командага бүленеп, урамда төрле ярышларда үзләрен сынап карадылар. Ахырдан "Дуслык" җиңде. Балалар көчле, сәламәт булыр өчен. һәрвакыт спорт белән шөгыльләнергә кирәк дигән фикердә калдылар.

2 февраль- Совет гаскәрләренең немец фашистларын Сталинград шәһәре янында җиңү көне. Шул истәлекле вакыйга уңаеннан, "Батырлык" айлыгы кысаларында сыйныф сәгатьләре үткәрелде. Балалар шул темага багышланган документаль фильмнар карадылар, мәктәп музеена барып, Сталинград фронтында катнашкан якташларыбызны искә алдылар.

Мәктәбебездә Батырлык айлыгы дәвам итә. Шул уңайдан бүген автомат сүтеп- җыю буенча ярыш үткәрелде. Анда 7-8 нче сыйныф укучылары көч сынашты.