“Планета” ял лагерындагы балалар белән "Сугыш чоры баласы", тыл ветераны Санатуллина Сания апаның гомер сәхифәләрен, сугыш чоры хатирәләрен барлап, истәлек кичәсе оештырылды. 89 яшен тутырган Сания апа - үзе бер тарих. Аларны « Сугыш балалары" диләр. Әйтерсен аларны сугыш тудырган. Алар турында инде күп язылды, ләкин берәү дә башкаларның язмышын кабатламый. Бөек Ватан сугышында катнашкан, авыр тыл хезмәтен үз җилкәсендә татыган ветераннарыбызның саны елдан-ел кими бара. Шуңа күрә аларның исемнәрен мәңгеләштерү өчен, район күләмендә төрле чаралар уза.