Бүген мәктәптә Нәүрүз - язны каршылау бәйрәме шау-гөр килеп узды. Бәйрәм, бүген табигатьтә чын-чынлап яз башланган көн дигән сүзләрдән башланып китте. Бәйрәм татар халык уеннары, күңелле җырлар белән дәвам итте. Бәйрәм белән котлаулар, шигырь һәм такмаклар әйтү, җырлар җырлау, бию – барысы да милли йолаларны онытмау, кешеләрнең бер-берсенә ихтирамын, хөрмәтен чагылдыру өчен ярдәм итә, укучыларыбызда милли бәйрәмнәребезгә, гореф-гадәтләргә карата мәхәббәт тәрбияли. Уеннар тәмамланганнан соң без бергәләшеп коймаклар белән сыйландык.