19 май көнне мәктәптә пионер оешмасының 95 еллыгына багышланган дружина сборы үтте. Анда 4 нче сыйныф укучыларын Татарстан Варислар Берлеге сафына кабул иттеләр. “Берлек таләпләрен үтәү, куелган максатка ирешү җиңел булмас. Моның өчен катлаулы сынаулар үтәргә, яңа үрләр яуларга кирәк. Монда сезгә «Варис күп белергә, көчле һәм җитез булырга омтыла” дигән кагыйдә ярдәмгә килер. Сезнең барыгызны да Варис булуыгыз белән тәбрик итәбез. Акыллы булыгыз, тырышып укыгыз, сәламәт булып үсегез, - дип изге теләкләрен җитерде мәктәп директоры.