Җиңү көне! Бу көнне кешелек дөньясы түземсезлек белән көтте. Һәм ул көн килде. 1945 елның чәчәкле маен онытырга мөмкинме соң? Ул һәр кеше өчен аеруча истәлекле, кадерле. Бүген без сезнең батырлыгыгыз, түземлегегез, сабырлыгыгыз алдында баш ияр өчен җыелдык. Сезнең язмыш сугыш уты белән үрелгән, балачагыгызны сугыш  урлаган. Безнең тормышыбыз сезнең өчен җәннәткә тиңдер. Сугыш һәм тыл ветераннары! Тормышның катлаулы, сикәлтәле юлларыннан атлый–атлый, Җиңүнең 72 еллыгын каршыладык.  Сезне чын күңелебездән Бөек Җиңүнең 72 еллыгы белән котлыйбыз. Сезгә җан тынычлыгы, саулык, иминлек телибез. Илебез күгенең 72 ел буена аяз булуы белән без Сезгә бурычлы.