Быел да Президентыбыз Рөстәм Миннеханов йөкләмәсе буенча башлангыч сыйныф укучыларына “Укучының мәдәни көндәлеге” тапшырылды. Әлеге көндәлеккә Марс урта гомуми белем бирү мәктәбенең 22 укучысы ия булды. Укучыларга әлеге көндәлекне мәктәпнең китапханәчесе тапшырды.Көндәлек нәниләргә республикабызның тарихи-истәлекле урыннарына, төрле мәдәни чараларга юл күрсәтергә һәм рухи байлыкларыбыз белән якынрак танышырга ярдәм итә. Мәдәни тәрбия һәм белем бирүгә юнәлтелгән әлеге проект планы нигезендә укучыларыбыз сыйныфташлары, әти-әниләре белән үзләре яшәгән җирлектәге, шәһәрдәге музей, театр, китапханә, концерт залларына йөреп, республикабызның һәм башкалабыз Казанның тарихи урыннарына сәяхәт итәрләр дигән ышаныч бар. Укучыларга бары тик уңышлар телик