"Кеше һөнәрне түгел, ә һөнәр кешене сайлый" - дип язган Сократ. Очраклы гына килеп кереп, балалар бакчасында эшләп булмый. Балалар белән эшләү - ул бик олы хезиәт, чөнки баланың дөньяны бәхетле итеп күрәме, начар, тискәре яктан күрәме болар барысы да аларның хезмәтеннән тора. Балалар бакчасында эшләүче кеше бу дөнья белән яшәргә, барлык мәхәббәтен, йөрәк җылысын балаларга бирергә тиеш. Балалар - тормыш гөлебез. Чәчәкләр өстәмә туклануга мохтаҗ булган кебек, балага да яхшы тәрбия кирәк. Тәрбия эше зур сабырлык, күңел юмартлыгы таләп итә торган озакка сузылган эшчәнлек.