29 март көнне Арсланов З.М. исемендәге Кече Чынлы урта мәктәбендә  олы хөрмәткә ия галим Җәүдәт Абдулла улы Хөсәенов белән очрашу булды.Әлеге очрашуда мәктәп укучылары һәм укытучылар  үзләрен кызксындырган сорауларга җавап алдылар. Авылдашыбыз “Туган як” музеена автографы белән фәнни җыентыкларын бүләк итте.

Җәүдәт Абдулла улы Хөсәенов  туган мәктәбебездә, директор вазифасын башкарган һәм  укучыларны география фәненең серләренә ойрәткән. Гади авыл мәктәбендә эшләгәндә үк, фәнни-педагогик хезмәтләрен яза башлый. 1982 елда татар милли мәктәпләре өчен чыгарылган уку ярдәмлеге китабы — «Кызыклы география», бу китаптан алынынган өстәмә материаллар дәресне тагын да кызыклы , тулырак итеп үткәрергә ярдәм итә. Шулай ук “Географиядән русча-татарча аңлатмалы – белешмә сүзлек” (2003), “Русча-татарча география сүзлеге” (2017). Әлеге сүзлекләр дәрестә генә түгел, олимпиадаларга әзерләнгән вакытта да укучыларга зур ярдәм итә. Ә инде туган як географиясе – «Чүпрәле районының географиясе һәм экологиясе» (2008) уку ярдәмлеге район мәктәпләре укучылары һәм укытучылар өчен  зур бүләк булды. Бу китапта районыбызның географиясе, экологиясе буенча барлык мәгьлүмат та бар. “Яшьлегемә кире кайтыр идем “дигән китабында автор авылыбызның табигатен һәм халкын төрле яклап тасвирлый. 

Мөгаллимнең география, экология һәм  тәрбия эшләренә багышланган хезмәтләре даими рәвештә республика, Россия матбугатында гына түгел, чит ил мәгълүмати чараларында – журналларда, альманахларда  да  басылып киләләр.  Ел саен аның җитәкчелегендә Казан шәһәре Яңа-Савин районындагы 155 номерлы гимназиясендә Бөтендөнья һәм Бөтенроссия күләмендә, экологик белем  һәм тәрбия юнәлешендә, бик күп фәннәрне, шул исәптән  география һәм экология фәннәрен дә эченә алган  конференцияләр уза. Шушы конференцияләдә бик теләп катнашабыз.Илебезнең төрле төбәкләрендә яшәүче олы шәхесләрнең, укытучыларның педагогика фән өлкәсендә булган хезмәтләре белән танышып үзебезгә эш тәҗрибәсе туплыйбыз.Шулай ук “Мәгариф” җурналының кайсы гына санын алсак та, Җәүдәт Хөсәенов  хәзерге заман педагогик технологияләрен кулланып, укыту-тәрбия эшен тагын да камилләштерү максатыннан, журнал битәре аша безгә үз фикерләрен  җиткерә, киңәшләрен бирә.

Бүгенгесе көндә Җәүдәт  Абдулла улы Хөсәенов – педагогика фәннәре докторы, профессор,  ләкин ул хаман да,  бик гади. Нурулла абый белән Бибинур апа тәрбияләгән сабырлык, кече куңеллелек аңарда әле дә саклана.

Аның бар гомере, хезмәте, милләтебез, аеруча укытучылар, тәрбиячеләр, бигрәк тә география фәне мөгаллимнәре өчен теоретик-гамәли материаллар әзерләп, дәреслекләр эшләп үтә. Татар балалары үз ана телләрендә белем алсын өчен олуг хезмәтләр куйган шәхесләрнең дә берсе ул. Шундый бөек шәхесләребез белән без горурланабыз!