Бүген бакчабызда әниләр бәйрәме булып узды. Әниләр килгәч, көн болытлы булуга карамастан кояш чыккандай булды. Ходаем, һәр баланың  әнисе булсын иде, ана назыннан мәхрүм итмәсәң иде! Әниләребезгә сәламәтлек, озын гомер, шатлык-бәхет телибез.Киләчәктә балаларының игелеген күреп яшәргә язсын!

20 нче номерлы балалар бакчасында семинар булды. Юл кагыйдәләрен өйрәнү буенча бик күп мәгълүмат алып кайттык. Оештыручыларга зур рәхмәт.

Балалар белән терроризмга каршы сак булу чараларын ныгыту йөзеннән оештырылган эшчәнлек үткәрелде.

Чит кешеләр белән аралашмаска, ят әйберләр күрсәң -тотынмаска, кирәк булганда телефоннан шалтырата белергә, өйгә таныш булмаган кешеләр кертмәскә өйрәтелде. Әти - әниләр белән дә эш алып барыла. Стенд яңартылды. Киңәшләр бирелде.

       Ноябрь ае кара көз ае дип аталса да, без аны алтын дияр идек. Чөнки алтын көздән - сентябрь аеннан бер дә ким түгел. Балалар мондый көннәрдә бик рәхәтләнеп яратып уйныйлар.

Быел да бакчабызга Уңыш бабай белән Сөмбелә килде. Алар үзләре белән бик күп бүләкләр, көзге уңыш алып килгәннәр. Балалар белән уйнадылар, җырладылар, табышмаклар әйтеп сынадылар. Балалар бик шат калды.

"Яшь шашкачылар " конкурсыда тырыш кызыбыз - Сафиуллина Эльвира катнашты. Без аңа киләчәктә дә зур уңышлар теләп калабыз.

Атнаның һәр чәршәмбесе һәм шимбәсе безнең бакчабызда өмә көненә әйләнде.