Укыту-тәрбия эшен тормышка ашыру максатында бүген бакчабызда "Сөмбелә" бәйрәме булып үтте. Көз кунаклары Уңыш бабай, Сөмбелә килде. Төрле уен, ярышлар, җыр-бию, әкият, шигырьләр,бүләкләр белән белән уңыш бәйрәме узып китте. Балаларның алган белемнәренә нәтиҗә күренде.

Әти-әниләр катнашында "Көзге могҗизалар" дип аталган конкурс игълан иткән идек.  Бик матур эшләр алып килделәр. Әти-әниләргә рәхмәтебезне җиткерәбез! Эшләрендә зур уңышлар телибез.

Рус халык әкияте "Теремкәй"не сәхнәләштерү. Зурлар төркеме балалары кечкенәләргә әкият күрсәттеләр.

Инсценировка русской народной сказки "Теремок".

Авыл хуҗалыгы ярминкәләрендә катнашып без дә үз өлешебезне керттек. Үзебез үстергән яшелчә, консервланган төрле-төрле банкалар, бал, сөт-май һ.б. бик күп төрле  продукт белән сату иттек. 

Һәр атнаның чәршәмбе, җомгасы өмә белән башланып китә. Менә бүген дә балалар һәм апалар белән мәйданчыкка яфраклар җыярга чыктык.

Өлкәннәр ункөнлеге башланып китте. Без гадәттәгечә үзебезнең бакчабызда эшләп чыккан ветераннарыбыз янына ашыктык. Балалар белән бу эш өлкәннәргә карата ихтирам, олылау, хөрмәтле караш тәрбияләү, өлкән буынны онытмау максатыннан эшләнә. Балалар апа - әбиләрне чәчәкләр һәм тәбрик сүзләре белән котладылар.