Туймәт төп белем мәктәбендә укытучылар коллективы укучыларга патриотик тәрбия бирү максатыннан әледән-әле чаралар, конкурслар үткәреп тора.  Соңгы көннәрдә башлангыч сыйныф һәм татар теле һәм әдәбияты укытучылары Муса Җәлилнең зур юбилеена багышланган чарага зур әзерлек алып баралар. Укучылар конкурс таләпләренә туры китереп М. Җәлилнең иҗатын һәм тормыш юлын чагылдырган рәсемнәрен, инша-рефератларын тәмамлау, тапшыру эшләре белән мәшгуль.  Укучылар һәм укытучылар тырышлыгы белән бай эчтәлекле әдәби почмак та булдырылды. Инде килеп, зур түземсезлек белән герой-шагыйребезнең туган көнен көтәбез.