Быелгы кышның салкыннары озак көттерде. Шул сәбәпле Туймәт төп  белем мәктәбенең боз мәйданчыгында боз катыру һәм хоккей уеннары үткәрү декабрь аеның соңгы көннәрендә генә мөмкин булды.  Укучыларның кышкы каникуллары башлану мәйданчыкны тагы да җанландырып җибәрде. Башта балалар әтиләре ярдәме белән мәйданчыкны кардан чистартып, кат-кат боз катырдылар. Ә өслек өлгергәч, каникуллар барышында туйганчы уйнадылар. Укучы егетләребезгә боз өстендә көч сынашырга иптәшкә мәктәпнең элекккеге укучылары да кушылды.