Туймәт төп белем мәктәбе балалары 2017 - 2018  нче уку елының икенче чиреген дә тәмамладылар. Кыска булуына карамастан уку чиреге вакыйгаларга, сөенечләргә бай булды. 1 нче сентябрьдә мәктәп бусагасын укырга дип аяк баскан 41 укучыбыз да исән-имин кышкы каникулларга таралышты. Чирек барышында балалар үзләрен тәртипле тоттылар, белем чишмәсенең суын мөмкин кадәр күбрәк "эчәргә" тырыштылар. 4 укучыбыз  гел бишле билгеләренә укып, мәктәпнең "Алтын йолдызчыгы" исеменә лаек булды.  Алар һәм чирекне "4" ле һәм "5" ле билгеләренә генә тәмамлаган тагын 21 укучыбыз Чыршы бәйрәмендә мәктәп администрациясе тарафыннан Мактау грамоталары һәм истәлекле бүләкләр белән бүләкләнделәр. Шулай ук әти-әниләр тырышлыгы һәм ярдәме белән барлык балалар да Кыш Бабай бүләкләре алды.