Балаларның һәм үзебезнең куркынычсызлыкны тәэмин итү өчен һәрвакытта да уяу булырга кирәк. Соңгы вакытта дөнья күләмендә террор  актлары турында еш сөйләнә. Мондый куркыныч хәлләр теләсә кайсы вакытта, көтмәгәндә һәркем белән булырга мөмкин. Әлеге куркыныч ситуация белән йөзгә-йөз очрашканда психологик яктан әзер булу, үзеңне һәм якыннарыңны саклап калу күнекмәләре булдыру максатыннан Туймәт төп белем мәктәбендә шартлы өйрәнүләр үтте. Өйрәнүләр вакытында укытучылар коллективы, техник персонал һәм укучыларның игътибарлылык дәрәҗәсе күзәтелде, куркынычсызлык кагыйдәләре хәтерләрдә яңартылды.