Туймәт төп белем мәктәбенең 8 нче сыйныф укучысы Рәҗәпов  Булат Салават улы башкалабыз Казан шәһәрендә Чыршы бәйрәмендә катнашты. Укучы егетебез Яңа ел бәйрәменнән зур канәгатьләнү хисләре, күтәренке кәефтә кайтты. Үзенең кичерешләре белән мәктәп укучылары, укытучы апалары белән дә уртаклашты. Әлеге истәлекле мизгелләрне тагы да әйбәтрәк күзаллау өчен үзенең фото-видео язмаларын да тәкъдим итте.  Мондый зур күләмле бәйрәмне оештыручы республика җитәкчелегенә, шулай ук безнең укучыбызны лаек дип табып  әлеге күңелле чарага җибәрүче район мәгариф бүлегенә чиксез рәхмәтебезне җиткерәбез. Алдагы елларда да Президент чыршысы бәйрәмендә катнашырга лаек укучыларыбыз булып торсын дигән теләктә калабыз.