Декабрь - мәрхәмәтлелек, шәфкатьлелек ае. Күңеле изге кешенеңкөн туган саен яхшылыклар гына эшләп торасы киләдер, мөгаен. Кешеләргә ярдәмчел булу, кеше хәленә керә белү, тирә-юньдәгеләргә яхшылык эшләү һәркемнең кулыннан килми ул. Ә менә Туймәт мәктәбе укучылары һәм укытучылар коллективы   ярдәмгә мохтаҗ, сәламәтлекләре какшаган, физик мөмкинлекләре чикле булган авылдашларына һәрдаим ярдәм итеп торалар. Шушы көннәрдә 7 нче сыйныф укучылары Ногманова Альбина апалары янына хәлен белешергә бардылар. Альбина кунакчыл, балалар ярата икән. Үзе ясаган рәсемнәрен күрсәттеләр, укучылар белән рәхәтләнеп сөйләште, сорауларына җавап бирде. 

Әйдәгез,  укучылар, һәрвакыт һәрберебез игелекле гамәлләр, сәваплы эшләр башкарыйк. Мәрхәмәтле булыйк, кешеләргә шатлык өләшик!