Танылган артист Айдар Фәйзерахманов җитәкчелегендәге Татарстан дәүләт фольклор музыка ансамбле чыгышын балалар зур кызыксыну белән тыңладылар. Төрледән-төрле уен кораллары, күп төрле халык җырлары һәм биюләр, матур милли киемнәргә киенгән егетләр һәм кызлар - болар барысы да таң калдыргыч могҗизага тиң күренеш иде бу концерттта. Тамашачыны җәлеп итәрлек, ялыктырмаслык, халык иҗатына кызыксыну уятырлык программаның башыннан ахырына кадәр балалар алкышларын кызганмадылар.