Бүген Туймәт төп белем мәктәбе укучылары каршында полициянең Чирмешән муниципальара бүлегенең начальник урынбасары Шарапов Хәлил Шәфигуллович чыгыш ясады.  Тиздән җәйге каникуллар башланганын истә тотып хокук саклау органы вәкиле укучыларга куркынычсызлык кагыйдәләрен искә төшерде, вело һәм мото транспорт чараларында йөрү шартларын сөйләде, төрле дәрәҗәдәге хокук бозулардан сакланып калу кирәклеген әйтте, Татарстан Республикасының 71 нче законы буенча кичке вакытта яшүсмерләргә үз-үзләрен тоту тәртибе буенча инструкция үткәрде. Балалар әңгәмә барышында актив булдылар, кызыксындырган сорауларын бирделәр, ә Хәлил Шәфигулла улы компетентлы җаваплары белән сөйләшүне тагы да баетты.