Туймәт төп белем мәктәбендә "Тузганак" операциясе игълан ителде. Мәктәп яны территориясендә укучылар һәм укытучылар матур, ләкин чүп үләне булган тузганак үләнен җыюга керештеләр. Иртә яздан сап-сары чәчәкләре белән күз явын алып торган тузганак, көннәр җылыты башлауга ук мамыгын очыра башлый. Тузганакның өлгергән орлыклары бик тиз арада бакчаларга, чәчүлек җирләренә "күчеп утыра".  Озакламый алар ямь-яшел чүп үләненә әвереләләр. Аллергияле кешеләргә дә зыяны тия бу үләннең.  Шул сәбәпле әлеге чүп үләненең күләмен, санын киметү файдалы һәм кирәкле эш булып тора.