Бөек Ватан сугышы тәмамлануга 70 ел, ә йөрәк яраларыннан һаман да кан саркып тора. Сөекле улларын, яраткан ирләрен югалткан аналарның, хатын-кызларның, ятим калган балаларның кайгы-хәсрәте мәңге онытылмас, алар йөрәгендә сугыш калдырган яра мәңге төзәләсе түгел. Алар сугышны шулай каһәрләп искә алачаклар. Вакыт яраларны төзәтә диләр. Ә аларның яралары нигәдер төзәлми. Ел саен чәчәкләргә төренеп ялтыраган 9 май бу яраларны тирәнрәк ача. Авылыбызда ничә кеше әти сүзен әйтергә тилмереп яшәделәр, чөнки алар тумаган да булалар. Бүген алар ап-ак чәчле әби-бабайлар.

Хөрмәтле әби-бабайлар! Сезнең кичерешләрегез, борчуларыгыз булып та сабыр булып, ятимлек ачысын тоеп тол әниләрегез янында зур терәк булып яшәвегез белән без горурланабыз һәм сезнең алдыгызда башыбызны иябез. Рәхмәт сезгә! Сез безгә үрнәк кешеләр.