Туймәт төп белем мәктәбенең 9 нчы сыйныф укучылары җитәкчеләре Сәгыйрова Ландыш Мөҗип кызы белән бергәләп, Бөек Ватан сугышында Җиңүнең 70 еллыгына багышланган "Батырлык ул - рухи матурлык" дип исемләнгән тема астында ачык сыйныф сәгате уздырдылар.  Дәрестә укучылар төркемнәргә бүленеп карточкалардагы сораулар өстендә эшләделәр; районыбызның Советлар Союзы Геройлары, аларның сугышта күрсәткән батырлыклары белән таныштырдылар. Мәктәп музеенда саклана торган Мария Николаевна Рыбалко хаты буенча фикер алыштылар. Сугыш каһарманнарына һәйкәл итеп бастырылган "Батырлар китабы" һәм "Хәтер китабы" китапларына тукталдылар. Дәрестә катнашучы башка сыйныф укучылары да сугыш турында бик матур итеп шигырьләр сөйләделәр. Дәрес бай эчтәлекле итеп эшләнгән презентация белән үрелеп барды.