Бүген һава торышының яхшы булуыннан файдаланып Туймәт төп белем мәктәбе укучылары, укытучылары һәм техник хезмәткәрләр дәресләрдән соң чираттагы өмәне уздырдылар. Бу юлы эш мәктәпнең тәҗрибә участогы тирәсендә кайнады. Агачларның көздән койган яфраклары җыеп түгелде, футбол мәйданчыгы тырмаланды һәм башка бик күп эш эшләнде. Мәктәптә ремонт баргач бу көннәрдә төзелеш чүп-чары да байтак җыелган. Бу төр чүпләр дә полигонга озатылды. Мәктәп тирәсе ялт итеп калды.