20 нче март көнне Туймәт төп белем мәктәбендә 7 - 9 сыйнылар өчен Бөек Җиңүнең 70 еллыгын уңаеннан "Бөек Ватан сугышында татарстанлылар" темасы буенча уен-ярыш булып үтте.  Чара тарих укытучысы Сәүбанова Зилә Мингата кызы тарафыннан оештырылды. Укучылар ике командага бүленеп үзара көч сынаштылар. Балалар Бөек Ватан сугышы чорында Татарстаннан киткән ватандашларыбызның җиңүгә керткән өлешен, үлемсез батырлыкларын, дошман тылында аяусыз көрәшләрен чагылдыручы сорауларга җавап бирделәр, сүрәткә карап сугышчан техниканың төрен ачыкладылар, республикадан чыккан Советлар Союзы Геройларын искә төшерделәр, татарстанлыларның сугышчан юлларын контур карталарга төшерделәр.   Ә 5 - 6 сыйныф укучылары сугыш, Бөек Җиңү, ветераннарга багышланган шигырьләр сөйләделәр һәм җырлар җырладылар.