Чыгарылыш сыйныф укучыларының имтиханнар тапшыру вакыты җитә. Хәер, башланды дисәң дә була. Имтиханнарга әзерлек ел дәвамында бара. Укучыларның имтиханнарга әзерлеге дә  уку елы дәвамында төрле формаларда тикшерелеп тора. Кичә,  ягъни 15 нче март көнне, Чирмешән лицей мәктәбендә район мәктәпләренең 9 нчы сыйныф укучылары математика фәненнән биреп карау имтиханы тапшырдылар. Әлеге имтиханда безнең 6 укучы да (100%) катнашты. Җитәкче апалары Ралия Сабирҗан кызы әйтүенчә, бу елда көтелә торган үзгәрешләрне гамәлгә кертеп оештырганнар. Димәк, укучылар имтиханга әзерлекләрен генә тикшереп кайтмадылар, ә бераз чыныгу, кирәкле һәм тиеш күнекмәләрне дә белеп кайттылар дип әйтергә җирлек бар. Йөреп кайтулар файдага, ә нәтиҗәләр сөендерерлек булсын.