31 нче гыйнварь көнне 9 нчы сыйныф укучылары һәм сыйныф җитәкчесе Сәгыйрова Л.М. студентлар белән очрашу оештырдылар. Очрашуда мәктәп завучы Кәримова Р.Г., сыйныф җитәкчеләре Шиһапова Р.В., Вәлиева Р.С., Сафина К.И. һәм 7 – 8 нче сыйныф укучылары катнашты. Студентларыбыз чакырылган вакытка көттермичә килделәр. Алар арасында 9 нчы сыйныфны тәмамлап техникумнарда һәм колледжларда укуларын дәвам итүчеләр һәм инде 11 нче сыйныфны тәмамлап югары уку йортларында белем алучы укучыларыбыз да бар иде. Мәктәптәге укучыларны үзләре укый торган уку йортлары һәм аларны кызыксындырган студентлар тормышы белән таныштырдылар. Җиде юл чатында торучы укучыларга бик матур, төпле, акыллы киңәшләр бирделәр. Очрашу оешкан төстә, бик җанлы үтте. Барлык студентларыбызга да килүләре һәм акыллы киңәшләре өчен укучы балалар үзләренең рәхмәт хисләрен белдереп матур җырларын бүләк иттеләр. Уңышлар сезгә, укучылар!