Бүген Ленинградны  фашист илбасарлары блокадасыннан тулысынча азат итүгә 73 ел тулды. Шушы уңайдан Туймәт төп белем мәктәбендә "Блокадалы Ленинград" темасы астында тантаналы линейка үтте.  1 - 9 нчы сыйныф укучылары каршында тарих укытучысы Сәүбанова Зилә Мингата кызы чыгыш ясады.  Укучылар тематик презентация барышында Ленинград өчен искиткеч авыр булган 871 көн эчендә барган вакыйгаларны күз алдыннан кичерделәр. Катлаулы тормыш шартларына эләгүләренә карамастан шәһәр кешеләренең рухлары сынмавы, төшенкелеккә бирелмәүләре һәм олысыннан алып кечесенә кадәр  Җиңүне якынайту өчен кулыннан килгән кадәр ярдәм итәргә тырышып яшәүләре турында белделәр.