Табигатьтә начар һава торышы юк. Ул һәрвакыт күркәм, ямьле. 5 нче сыйныф укучылары һәм сыйныф җитәкчеләре Гыйниятуллина Роза Габдрәшит кызы шушы көннәрдә әрәмәгә һәм чишмә буена экскурсия оештырдылар. Төз наратлар, сылу каеннар, горур имәннәр үскән әрәмәбез һәрвакыт матур. Мул сулы чишмәләребезнең суы шулкадәр тәмле, ә табигатебезнең һавасы гел саф. Укучылар чишмә буенда, әрәмәдә фотога төштеләр, саф һавада төрле уеннар уйнадылар. "Баш чишмә" һәм "Таң суы" чишмәләренең тәмле суын авыз итеп, табигатебезнең матурлыгына тагын бер тапкыр соклану кичерделәр.