Балалар гаиләнең төзелеше. Тормыш катлаулы. Бала анда яхшыны да, начарны да, вөҗданлык һәм тәрбиясезлекне дә күрә. Үзара хөрмәт һәм ышаныч хөкем сөргән, хезмәт яраткан гаиләләрдә яхшы яки начар эшләре өчен үзе җавап бирергә тиешлегенә инанган кеше үсә. Бала кечкенә чактан ук, ярамаган эшләр өчен җавап биреләчәген белергә тиеш. Законны хөрмәт итү дә гаиләдә тәрбияләнергә тиеш. Биредә әти белән әни - бала өчен беренче укытучы. Бала вакытының күп өлешен ата-аналары янында уздырган бер чорда аларга урамда кичен тәртипле булырга, табигатьне ничек сакларга, авыруларга, картларга ничек ярдәм итәргә, укытучыларны,  дусларыңны, классташларыңны хөрмәт итәргә, дус булырга кирәклеге турында өйрәтергә зур мөмкинлекләр бар. Яшүсмернең яшәвен күзәтмәү, аңа кылган гамәлләре өчен кемдер каршында җавап бирү кирәклеге турында җавапчылык тудырмый. Иң куркынычы - өйдә миһербансыз кеше үсә, аның өчен тормышта изге бернәрсә дә булмаячак. 6 нчы сыйныф укучыларының җитәкчесе Кадрия Ильяс кызы һәр гаиләдә булып укучысының әти-әнисе белән җылы әңгәмә корды. Укучысының уңышлары һәм шулай ук уңышсызлыклары турында уртага салып сөйләште. Шуны онытмасак иде: бары бердәм, мәгърифәтле һәм мәдәниятле ата-ана - укучы - укытучы эзлеклелеге сакланганда гына, без уңай нәтиҗәләргә ирешә алачакбыз.