Октябрь ахырында Чирмешән районы мәгариф бүлеге профсоюз оешмасының отчет-сайлау җыелышы булып узды. Әлеге җыелышта район мәгариф бүлеге җитәкчесе Хәкимов К.Ш., өлкән методист Мифтахов Г.Р., район администрациясеннән Долгополова Р.Ш., Норлат мәгариф бүлеге профсоюз оешмасының рәисе Фәридә Мөхлисовна,  шулай ук мәктәп һәм балалар бакчаларының профсоюз рәисләре катнашты. Җыелыш барышында профсоюз вәкилләре мәгариф системасында эшләүче хезмәткәрләренең хокукларын яклау мәсьәләләрен хәл иттеләр, киләсе елга яңа состав сайладылар һәм башка мөһим сорауларны карадылар.

Ә ахырдан берничә ел дәвамында үрнәк итеп үз вазифаларын башкарган, профсоюз эшчәнлегендә актив катнашкан хезмәткәрләргә Мактау грамоталары тапшырылды. Бүләкләнүчеләр арасында Туймәт төп белем мәктәбенең соңгы елларда профсоюз оешмасына җитәкчелек итүче Ильясова Галия Әнәс кызы да бар. Коллективыбыз исеменнән без Галия Әнәс кызын  Мактау грамотасы алуы белән чын күңелдән котлыйбыз, аңа киләчәк эшендә зур уңышлар, исәнлек-саулык теләп калабыз.