Бүген Татарстан Республикасында беренче сыйныфлар өчен махсус әзерләнгән  чара  - "1 нче сыйныф укучысының Мәдәни көндәлеге"  дигән зур күләмле проект старт алды. Шул уңайдан Туймәт төп белем мәктәбенең беренче сыйныф укучылары авыл китапханәсендә үткән Мәдәни көндәлек презентациясендә булдылар. Китапханәче Галимова Наҗия Мөхәррәм кызы балалар өчен кызыклы  булган кичә оештырган. Ул мәдәни-белем бирүче проектның шартлары, үзенчәлекләре белән таныштырды, балаларга һәм әти-әниләренә файдалы киңәшләрен бирде. Мәдәниятле булу өчен нинди таләпләр куелуын ачыклады. Балалары белән бәйрәмдә катнашкан әти-әниләр дә бик канәгать калдылар һәм укучыларга матур теләкләр теләделәр.