Бөтенроссия күләмендә үткәрелүче махсус акция кысаларында Туймәт төп белем мәктәбендә "Интернет куркынычсызлыгы" темасы буенча бердәм ачык сыйныф сәгате үткәрелде. 5 - 9 сыйныф укучылары белән интернеттан янаган куркынычлар турында нәрсәләр белүләрен, шулай ук, балаларның фикеренчә, әти-әниләре ни дәрәҗәдә аларны контрольдә тотуларын, кайсы социаль челтәрләргә өстенлек бирүләрен  ачыклау өчен информатика һәм МКТ укытучысы Сәүбанова Зилә Мингата кызы җанлы әңгәмә оештырды. Шулай ук махсус тематик анкета да тутырды балалар.  Медиапрезентация ярдәмендә укучылар интернеттан янаган куркынычларны өч  төркемгә бүлеп, әлеге куркыныч ситуациягә очраганда үз-үзеңне саклау өчен нинди дөрес юлны сайларга икәнлеген ачыклап кагыйдәләр җыелмасы төзеделәр.