Наҗия Мөхәррәм кызы һәркемне кызыксындырырлык итеп үз эшен  оештыра белә.  Туймәт авыл китапханәсе исә  китапларга, кызыклы журналларга аеруча бай.   30 нчы октябрь  көнне без - башлангыч  сыйныф укучылары белән  анда кунакта булдык. Китапханәче Наҗия Мөхәррәм кызы   әкиятләргә  багышланган  мавыктыргыч, гаҗәеп кызыклы чара уздырды.  Укучылар да әкиятләрне  күп белүләрен әйттеләр. Каян шулкадәр күп беләсез?– дигән сорауга да,  кичләрен әни укый, укытучыбыз дәресләрдә сөйли, үзебез  дә укыйбыз дигән җавапларны ишеттек. Бу бик тә куанычлы. “Китап–белем чишмәсе”, дигән матур әйтем бар. Күңелдә китапка булган мәхәббәтне югалтмыйсы иде. Аны балаларга кече яшьтән үк бирергә кирәк.