Ел фасылының иң матур чоры - әбиләр чуагына туры китереп Туймәт төп белем мәктәбенең башлангыч сыйныф укучылары әрәмәгә һәм буа буена экскурсиягә бардылар. Көзге табигатьтәге үзгәрешләрне күзәттеләр. Көз турында шигырьләр сөйләделәр, саф һавада хәрәкәтле уеннар уйнадылар. Балаларга көзге табигатьтә күргәннәрен өйдә сочинение итеп язып килергә бирем бирелде. Экскурсия укучылар күңелендә истәлек булып калыр.