31 май - Балаларның сәламәтлеген саклау көне буларак билгеле булса, 1 июнь - җәйнең беренче көне күңелләргә җылылык, яктылык мәрхәмәтлелек өстәүче бәйрәм - Балаларны яклау көне буларак истә кала. Аны 1950 нче елдан башлап, Җир шарының һәр почмагында зурлап үткәрәләр. Әлеге бәйрәмнең максаты - күңелле һәм бәхетле балачак һәр сабыйда да булырга тиешлеген өлкәннәргә искә төшерү. Туймәт төп белем мәктәбендә дә әлеге бәйрәмнәр бик матур уза. Укучылар һәм укытучылар коллективы спорт мәйданчыгында төрле уеннар оештыралар, ярышлар уза. Әлеге чара җыр-бию белән үрелеп бара. Бәйрәмнән бер бала да бүләксез кайтмый. Баланың елмаюы һәм шатлык тулы күзләре - әти-әни, укытучылар өчен иң мөһиме.  Балаларны шәфкатьтә тәрбияләү, аларны олы тормыш авырлыкларыннан, җәбер-золымнан саклау, сәламәтлекләрен кайгырту иң төп, иң изге бурыч булып тора.