Бүген мәктәбебездә һәр кеше гомерендә бер генә тапкыр була торган бәйрәм - Әлифба бәйрәме булып үтте. "Әлифба - син белем ачкычы" дипи  исемләнгән кичә тантаналы рәвештә 1 нче сыйныф укучыларын залга чакыру белән башланып китте, җырлар, шигырьләр презентация белән үрелеп дәвам итте. Бәйрәмдә укучыларыбызның Әлифба чорында алган белемнәрен "Галиҗәнәп Әлифба" тикшереп карады һәм һәрвакыт шундый тырыш булыгыз дәгән теләктә калды. Тәрбия буенча директор урынбасары  Сафина Р.Г., сыйныф җитәкчесе Ильясова Г.Ә., кичәгә килгән әти-әниләр аларны бу зур бәйрәмнәре белән котладылар, уңышлар теләделәр, бүләкләр тапшырдылар. Әлифба бәйрәме һәр бала күңеленә онытылмас бер хәтирә булып кереп калгандыр.