Чирмешән муниципаль районы социаль яклау бүлеге оештырган "Ел хатын-кызы" исемләнгән конкурста Туймәт төп белем мәктәбенең 6 нчы сыйныф укучысы Сәгыйров Илүс катнашып, "Әбием - алтыным, минем иң якыным..." дигән инша җибәргән иде. Илүснең әбисен яратып, хөрмәтләп язган иҗади эше II урынны яулаган һәм ул Мактау грамотасы белән бүләкләнде. Бай эчтәлекле әлеге иншада түбәндәге матур сүзләр дә бар: "Әбием, без бөтенебез дә сине бик яратабыз, исән-сау бул! Синең өметләреңне, ышанычыңны акларга тырышырбыз!"

Илүсне җиңүе белән чын күңелдән котлыйбыз һәм алдагы конкурсларда да, укуында да зур уңышлар телибез.