Татар теле һәм әдәбияты атналыгының 5 нче көнендә шигырь сәнгатенә гашыйк укучыларыбыз тантана буласы залга җыелдылар. Һәркайсы эчке бер дулкынлану хисе кичерә, үзендә җаваплылык тоеп эчтән генә әйтеләсе шигырен кабатлый. Ни дисәң дә, мәктәп күләмендә чыгыш ясарга кирәк бит!  Атналыгыбызның бу бәйгесендә 1 - 9 нчы сыйныф укучылары культуралы сөйләм һәм сәнгать осталыкларын сынады. Хәтта 2, 3 шигырь сөйләүче укучыларыбыз  да булды. Ни генә булмасын, милләтебезне, телебезне, мәдәниятыбызны саклап калу өчен тырыш, белемле, бөтен дөнья белән дус булган укучыларыбыз кирәк. 

Туган телебез сагында торучы укучыларыбызга, фидакарь укытучыларыбызга олы рәхмәтебезне җиткерәбез.