Татар йөрәге  синдә  театр. Театр!  Аның  мавыктыргыч  утлары  әллә каян  балкып, ачык  ишекләре  күңелне ымсындырып тора. Рухи  камиллеккә  омтылган  кешелекне  тәрбияләү  чарасы буларак, театрның  роле бәяләп бетерә алмаслык зур. Без  бер  генә  минутка  үзебезне  Г.Камалсыз  яки Сәйдәшсез, тиңдәшсез Кәрим Тинчуринсыз яки Туфан Миңнуллинсыз, тагын бер генә  минутка  Марсель ага Сәлимҗановсыз,“Зәңгәр  шәлсез” күз  алдына китереп  карыйк. Шушы  бер минут эчендә без үзебезнең  никадәрле    ярлы   икәнлегебезне  чамалап   өлгерер идек. Һәрбер сәнгатьнең  мөмкинлеге һәм   кодрәте  чиксез. Бу шулай ук театр  сәнгатенә дә кагыла. Ә  иҗат  вәкилләре – бу  чиксезлекне  тудыручылар. Бүгенге  сүзебез  татар  театры, мәшһүр артистлары, ягъни сәнгать  әсәрләрен  халык  алдында  гәүдәләндерүче  һөнәр  ияләре хакында булды. Укучылар “Сәхнә -  каһарманнар  мәйданы” темасы  астында викторина  сорауларына  җавап бирделәр. 8 нче сыйныф  укучылары татар театрының тарихы белән  таныштырып үттеләр. Татар театры тарихы белән  таныштыруны Казан дәүләт  мәдәният һәм сәнгать югары  уку йортында  укучы  студент  кызыбыз  Мортазина  Алсу  Салават  кызы дәвам  итте. Алсуга зур рәхмәт. Киләчәктә Алсуга  иҗади  уңышлар  һәм  теләкләренең  тормышка  ашуын  теләп  калабыз. Атналыгыбызның  театр  көне   бай  мәгълүматлы һәм  эчтәлекле  булды.