Татар теле һәм әдәбияты атналыгының тәүге көне оештыру эшләренә бай булды. Көннең беренче өлешендә укучылар һәм татар теле укытучылары чаралар узучы залны, стендны файдалы, кызыклы мәгълүматлар, галимнәребез, мәгърифәтчеләребез язып калдырган канатлы сүзләр, аларның иҗатлары белән баеттылар. Көннең икенче яртысында укучылар һәм укытучылар "Башваткыч" уенына җыелдылар. 7 нче сыйныф укучылары җаваплы сыйныф буларак уенда катнаштылар, ә 4, 5, 6, 8, 9 нчы сыйныф җанатарлары аларга көч биреп торды. 36 сораудан торган әлеге "Башваткыч" уенында беренче урынны Гатина Гүзәл, икенче урынны Кәримов Ирек, өченче урынны Мортазин Илнар яулады.

Уенда катнашкан барлык балаларга да рәхмәтебезне җиткерәбез һәм уңышлар телибез.