Яз-Матур үзе белән бик күп бәйрәмнәр алып килә. Шуларның иң назлысы, иң җылысы, иң матуры, иң чәчәклесе, иң хуш ислесе - 8 нче Март Халыкара хатын-кызлар бәйрәме. Язның беренче бәйрәме уңаеннан районыбызның йөзләп гүзәл зат вәкилен табын көйләп сыйладылар. "Зур-зур чәчәк бәйләмнәре, тәм-том күчтәнәчләр, җыр-бию, ихлас сүзләр - болар барысы да апа-сеңелләргә, әбиләргә бәйрәм бүләге булды", - дип, бәйрәм хисләре белән уртаклашты коллегабыз - Туймәт төп белем мәктәбеннән лаеклы дип табылып, ресторанда булып кайтучы Шиһапова Рәмилә Вәлиәхмәт кызы. "Ял итеп, күтәренке кәеф белән кайттык. Рәхмәт оештыручыларга, рәхмәт коллективыма!!!"