Төп Дәүләт аттестациясенә (ОГЭ), чыгарыш имтиханнарына уку елы башлангач та әзерләнергә кирәк. Укучыларга гына түгел, ата-аналарга да.

27 нче февраль көнне 9 - чыгарылыш сыйныф укучыларының ата-аналары җыелышы әнә шул хакта иде. Җыелышта Митрофановлардан кала барлык ата-ана, мәктәп директоры Шәрифуллина Р. В., уку эшләре буенча директор урынбасары Кәримова Р.Г., математика - физика укытучысы Минһаҗева Г.Р., рус теле һәм әдәбияты укытучысы һәм сыйныф җитәкчесе Гыйниятуллина Р.Г. катнашты һәм чыгыш ясадылар. Ата-аналар балаларның сынап карау имтиханнары нәтиҗәләре, билге кую критерийлары, имтихан тәртипләре, шартлары, таләпләре белән тагын бер кабат  таныштырылдылар. Сыйныф җитәкчесе "Ата-ана имтихан бирүче баласына ничек булыша ала?" темасына психолог киңәшләрен тәкъдим итте, балаларның сәламәтлеген кайгырту өчен ашау режимына да тукталды, нинди ризыкларның акыл эшчәнлеген арттыруга булышлык итүен бәян итте. Баланың хәленә керү, мактап, үсендереп җибәрү дә имтихан кебек җитди сынауларга әзерләнүнең бер алымы икәне әйтеп үтелде. 

Балаларга уңышлар юлдаш булсын.