Эшмәкәрлек эшчәнлеге балаларда һәрвакыт зур кызыксыну уята. Шуны истә тотып шушы көннәрдә Туймәт төп белем мәктәбендә үзенчәлекле чара үтте. Тәрбия эшләре буенча директор урынбасары Сафина Розалия Габбас кызы 6 - 9 нчы сыйныф укучыларын Самара өлкәсе Гали авылында яшәп, кәсепчелек белән шөгыльләнгән кешеләр тормышы белән таныштырды. Аеруча зур игътибар эшмәкәр Расих Латыйпов эшчәнлегенә юнәлдерелде. Ул туган авылында агротуризм юнәлешен үстереп җибәргән һәм уңышка ирешкән. Төрле чыганаклардан алынган мәгълүматны балалар җанланып тыңладылар. Хәтта  Гали авылын барып карап кайту теләге дә уянды үзләрендә.